(Fjor)årets overrasking!

Hallo 2018! Her inne har det vore stille ei stund, og plutseleg var det ikkje 2017 meir. Slik er det når livet skjer! Det vil nok bli sporadisk blogging i 2018 òg, men spennande ting skjer heile tida, så oppdateringane kjem undervegs!

Før jul overraska min kjær meg med å pusse opp soverommet. Eg var i byen for eksamen og ante ingenting, og då eg kom heim til jul stod ikkje senga vår på det kalde, midlertidige soverommet lengre, men på vårt eigentlege rom – som hadde blitt eit heilt nytt rom!

Hugsar de korleis det såg ut før?

Ikkje akkurat innbydande. Det var difor tidenes overrasking å komme heim og finne dette bak døra i staden:

Er det ikkje lunt og koseleg?? Kjærasten har gjort alt sjølv (med litt hjelp frå snille svigermor), og har til og med redesigna vårt gamle og stygge TV-bord om til sengegavl og nattbord. Heldige meg!

I løpet av ferien har vi fått opp litt på veggane òg, for å gi rommet eit endå meir personleg preg:

Illustrasjonane over senga er laga av underteikna, og skal forestille min kjære og meg. Akvarellen er måla av mor mi, og viser eit kjært motiv heimanfrå.

Nett no er dette favorittrommet mitt i huset, men det skjer spennande ting i fleire andre rom òg! Meir om det seinare!

Advertisements

Inngangshallen før og no

Vi har oppgradert inngangshallen vår litt! Hugsar de det grøne rommet med den raude tråppa?

33_22750121533_116834115133_316346696

Etter nokre strøk måling og litt nye detaljar har rommet blitt lysare, ryddigare og mindre hytteaktig:

Det var med andre ord ikkje så mykje som skulle til. Hallen er stor og romslig med ei dramatisk trapp, så potensialet har alltid vore der! Det er framleis litt som står att, slik som ein ny taklampe, hyller og ein spegel, men vi er allereie storfornøgde med vår nye inngangshall!

Ferie!

Førre veke hadde eg siste eksamen, så no har eg hatt nokre dagar med etterlengta avkopling! Det har vore det travlaste semesteret nokon sinne, men eg kom altså heldigvis i mål til slutt. Som belønning fekk eg nydelege roser av min kjære: 

Ferie = meir tid i mi nye heimbygd og i huset vårt, så no skjer det ting og tang her! Det vil nok komme litt oppdateringar etter kvart som dei ulike prosjekta blir ferdigstilte, men her er ein liten sneak peak så lenge:

Sjefen i huset godkjende heldigvis det nye golvteppet i inngangshallen! Nokon som hugsar korleis rommet såg ut før?