Ein sommardag i Trøndelag

Eit av dei mange fine syrentrea i nabolaget ❤

Endeleg fekk vi ein finevêrsdag her i Barteby, og eg har vore på torget og ete is og sett på livet på Trøndermartnan. I tillegg var eg ein tur på Kaffebrenneriet for å kjøpe favorittkaffen vår, Fransk Kontinental, samt ei svipptur innom NMS gjenbruk, der eg fann denne veska med plass til PCn min til berre 35 kr! Bra ettermiddag!

Glasklart

I ei lita bygd på Vestlandet fann eg ei bruktbud som hadde utruleg mykje fint! Mellom anna desse dessertskålene. 

Tre minutt seinare dukka det opp seks likørglas i same stil. 


Eg seier det igjen: GJENBRUK ❤ Det er både spennande, økonomisk og miljøvennleg, og særleg fint er det no når vi har vårt heilt eige hus å fylle. 

Dagens gjenbruksfunn

Eg hadde bursdag for ei tid tilbake, og då fekk eg eit gåvekort på Fretex av tre gode vennar. I dag hadde eg fri, og dermed tid til å bruke det! Med meg heim vart ein mørkblå merinoullgenser til 129 kr (opprinneleg frå Filippa K), ei lita veske i brunt skinn til 69 kr, øyredobbar til 10 kr og ein mønstra strikkagenser til 79 kr (opprinneleg frå Monki). SÅ fornøgd med gåvekortgevinstane!

Føler forresten for å påpeike at eg ikkje ønskjer å oppfordre til forbruk ved å publisere innlegg som dette. Derimot ønskjer eg å inspirere til gjenbruk på denne bloggen! Eg vil vise at ein finn (minst) like mykje fint i second hand-butikkar som hos kjedebutikkane, og handlar ein brukt så er det i tillegg både økonomisk og miljøvennleg. Og så er det jo så spennande å gå i slike butikkar òg, for ein veit jo aldri kva ein vil finne! Skattejakta er meir enn halve moroa, for min del.